كيف أعود لـ ممارسة الرياضة بعد انقطاع طويل ؟

 انتفاخ العضلة أثناء التمرين (البمب) وتحذير مهم لكل لاعب جيم

 

 

انتفاخ العضلة أثناء التمرين (البمب) وتحذير مهم لكل لاعب جيم

-أكيد لاحظت قبل كده إن عضلتك بتنتفخ أثناء التمرين وبترجع لحجمها الطبيعي بعدها…بس هل فكرت ليه بيحصل كده؟

-أثناء رفع الأوزان، الدم بيتدفق بسرعة ناحية العضلات علشان يوصلها الأكسجين والتغذية والطاقة..وفي نفس الوقت، الدم المحمل بفضلات التمرين بيبدأ يخرج منها..

لكن لما يكون التمرين قوي، كمية الدم اللي بتدخل العضلة بتكون أكتر من اللي بتخرج منها،

وده اللي بيعمل الانتفاخ أو “البمب”

-وده دليل إن العضلة بتشتغل كويس جدًا وبتستجيب للتمرين.. والقوة دي بتختلف من شخص للتاني، ومن عضلة لأخرى في نفس الجسم..

-العضلات اللي بتحس فيها بانتفاخ قوي هي في الغالب الأسرع نمو واستجابة للتمرين…

-تحذير مهم جدًا..

لو بدأت تحس إن الانتفاخ بدأ يقل وأنت لسه بتتمرن…متكملش التمرين..

ده معناه إنك دخلت في مرحلة الحمل الزائد،وده بيأثر بالسلب وبيوقف نمو العضلة بدل ما يطورها..

-نصائح مهمة علشان تحقق أقصى “Pump” أثناء التمرين

خلي التمرين عالي الكثافة ومتقطعش فترات الراحة لفترات طويلة..الموبايل مش هيفيدك في النص ..

استخدم تمارين السوبر ست، هتديك بمب رهيب لأنك بتحط العضلة تحت ضغط قوي في وقت قصير..

-سؤال مهم، هل طبيعي الانتفاخ يروح بعد التمرين؟

أيوه طبيعي جداً

ده مش معناه إنك ما استفدتش..المهم إنك خلال التمرين وصلت العضلة لأقصى ضخ دم ممكن،وده اللي بيبنيها على المدى الطويل..

-خد التكايه دي للخبره

سيب الجيم وعضلتك منتفخة… ما تستناش لحد ما الهبوط يبدأ، لو كملت بعد ما الانتفاخ يروح فإنت بتحمل العضلة زيادة وممكن تضرها…الحجم أهم من الوزن..

في انت شايف إن اللي يهم في التمرين هو وزنك ولا حجم عضلتك؟

وهل شايف إن “البمب” هو المقياس الحقيقي لتقدمك؟