بعض النصائح المهمة فى عالم الجيم و الدايت 2025
/انا جسمي مظبوط بس عندي بطن اعمل ايه؟
بصي يا ستي لو الزياده ف البطن دهون يبقى لازم نظام غذائي تمشي عليه أقل من احتياج جسمك من السعرات و طبيعي دهون الجسم بتنزل كلها مع بعض مش منطقه واحده بس
2/عايزه اخس بس مفيش وقت اروح جيم؟
اتمرني كارديو ساعه يوميا زي مشي أو جرى أو نط حبل مع منع عيش وسكر وتلاقي فرق
3/عايزه ارسم جسمي؟
لازم تتمرني حديد حتى لو ف البيت كل عضله مره او مرتين أسبوعيا وممكن تستخدمي زجاجتين مايه بدلاً للحديد او احبال المقاومة او اشتري دامبلز وهاتي تمارين من على اليوتيوب واعملي زيها
4/عندي ترهلات ف مكان محدد زي
(ضهر ودراع أو الخ
لازم تتمرني حديد للمناطق دي علشان تشدي العضلات وترسمي المنطقه دي
5/لازم اخد مكمل غذائي علشان اعمل فورمه؟
لا مش لازم مكملات بس الأهم نظام غذائي صحي مع نظام تدريبي
6/حوارق الدهون مهمه علشان اخس؟
معظم حوارق الدهون مضره على الصحة وافضل حارق الدهون هو الماء اشربوا مية كتييير
7/انا مقاساتي بتتغير بس وزني على الميزان زي ماهوه؟
أهم حاجه المقاسات تتغير ومش مهم الميزان خالص
8/اعرف منين خسيت دهون ولا عضلات؟
لازم تعملي in body آخر كل شهر وتشوفي نقص ف الدهون وزياده ف العضلات
9/بتمرن كتير وبعرق انا كده بخس؟
لا العرق ملوش علاقه بتخسيس الدهون إنما دي مياه الجسم بيفرزها علشان يرطب الجلد ف حاله ارتفاع حرارته مع الرياضه
10/اتمرن ايه ف فتره البيريود؟
العلماء اختلفو في الموضوع دا. في قال اتمرني كل حاجه الا التنطيط وفي اللي قال لازم المرأة في الفترة دي ترتاح و الرياضة ممكن تتسبب في مرضendométriosis أو بطانة الرحم المهاجرة . عمومآ الرحم بيكون في أضعف حلاته في الوقت دا وكدا كدا وزنك هيزيد بس هيزيذ مايه مش دهون اطمني
11/هل المشروبات زي الشاي الأخضر والجنزبيل و البردقوش وكل الحاجات دي بتخسس؟
لا واي كلام واللي بيخسس بس انك تمشي على نظام دايت فيه سعرات أقل من احتياج جسمك من السعرات
13/هل الساونا بتخسس؟
لا ده مجرد عرق بس بيخرج المياه المخزنه ف الجسم
14/عندي ترهل ف الصدر ممكن يروح بالرياضه؟
لو ترهل بسيط ممكن اه إنما لو ترهل كبير لازم عمليه شد مع دكتور تجميل
15/عندي سلوليت في جسمي يروح ازاي؟
لازم تغذي الجلد كويس انك تشربي مياه كويس مع الترطيب الخارجي وتاخدي اوميجا3 وتزودي بروتين في الاكل ومع الرياضة هيقل
16/عملت دايت قاسي ونزلت وزن كبير ف فتره قليله وحصل ترهل في الجسم ممكن اعالج الترهل ده بالرياضه؟
لو ترهل بسيط ممكن بس لو قوي لا مش ممكن ولازم تعملي عمليه شد للجلد
17/هل الدايت الكيميائي كويس للتخسيس؟
لا خطر جدا علشان بيخلي الجسم يخسر عضلات ومياه و نسبه دهون مش عاليه ويعمل ترهل ف الجسم والصح ف التخسيس انك تخسي دهون بس مش عضلات لأن العضلات لما تقل الحرق بيقل..
تعليقات
إرسال تعليق