لو ملتزم في الدايت ومش فاهم ليه الميزان مش بيتحرك... غالبًا المشكلة مش في النظام، المشكلة في الحاجات الصغيرة اللي مش بتحسبها!
لو ملتزم في الدايت ومش فاهم ليه الميزان مش بيتحرك... غالبًا المشكلة مش في النظام، المشكلة في الحاجات الصغيرة اللي مش بتحسبها! 
كتير من الناس بيكونوا فاكرين إنهم ماشيين صح 100%، لكن في الحقيقة فيه سعرات بتدخل الجسم طول اليوم من غير ما يحسوا بيها.
أمثلة بسيطة:
شوية المكسرات اللي بتاخدهم وإنت واقف في المطبخ "تسالي" ممكن يوصلوا لمئات السعرات في دقائق. زبدة الفول السوداني من أكتر الحاجات اللي الناس بتستهين بيها، معلقة زيادة أو اتنين ممكن يفرقوا فرق كبير جدًا في إجمالي سعراتك اليومية. بواقي أكل الأولاد أو الأكل اللي بتدوقه أثناء الطبخ بيتحسب عادي جدًا، جسمك مش بيفرق بين وجبة كاملة ولقمة صغيرة. الزيت من أكتر الحاجات اللي بتزود السعرات من غير ما نحس، ورشة زيادة بسيطة ممكن تضيف كمية سعرات كبيرة للوجبة. التلقيط طول اليوم، قطعة شوكولاتة صغيرة، لقمة من سندوتش، رشفة عصير، كل ده بيتجمع في آخر اليوم. الفاكهة اختيار ممتاز وصحي جدًا، لكن ده مش معناه إنها مفتوحة بلا حدود، لأنها برضه فيها سعرات ولازم تدخل ضمن حساباتك اليومية. التمرين مهم جدًا للصحة وبناء العضلات وتحسين اللياقة، لكن لو أكلك أعلى من احتياجك فصعب تحقق نزول وزن مهما تمرنت. الأكل الجاهز أو المطاعم حتى لو شكله صحي أو عبارة عن مشويات، غالبًا بيكون فيه دهون وزيوت وسعرات أكتر مما تتخيل.
السر الحقيقي في نزول الوزن مش إنك تمنع أكل معين...السر إنك تعرف أنت بتاكل كام سعر حراري فعلًا، وتبقى واعي بكل حاجة بتدخل جسمك خلال اليوم.
احسب أكلك. زن الأطعمة المهمة. ركز على البروتين. اشرب مياه كفاية. متستهونش باللقمات الصغيرة.
لأن في أوقات كتير المشكلة مش إنك بتاكل كتير...المشكلة إنك مش حاسب اللي بتاكله أصلًا.
قولّي بصراحة... أكتر حاجة كنت فاكر إنها "ملهاش حساب" واكتشفت بعد كده إنها مليانة سعرات؟
تعليقات
إرسال تعليق