كيف أعود لـ ممارسة الرياضة بعد انقطاع طويل ؟

 الام ما بعد التمرين 

"الام العضلات"
اولا سببها وتعريفها :هي عبارة عن تهدمات ف الانسجة العضلية اثناء التمرين "micro-trauma" وينتج عنها الالم العضلي المتأخر او ما يسمي بال "DOMS" "Delayed onset muscle soreness"ومعني متاخر انه بيظهر بعدها بفترة سواء بعد فترة النوم ف نفس يوم التمريناو بعد اكتر من 24 ساعة من بعد التمرينوساعات بالنسبة للمبتدئين بيبان بسرعة اكتر حتي قبل النوم .ليه بيحصل الكلام دا ؟وليه بينتج الم بعد التمرين ؟
1) بالنسبة للمبتدئين او ال لسه راجع من فترة راحة 
فاي مجهود بدني عضلي جديد عليه هينتج عنه الم 
وده عشان الجسم كان متعود ع الراحة وعدم التعود ع رفع الاوزان زي الجيم او المجهود البدني العنيف زي الرياضات القتالية ع سبيل المثال .
هتقولي يا دكتور ما انا قديم ولسه بيجيلي الوجع دا 
هقولك اصبر معايا واسمع الجزء التاني
2) بالنسبة للمتقدمين "القدامي" 
انت ممكن تحس بالوجع دا ويحصلك DOMS
طاب هتقولي ليه مبيحصلش ع طول ؟
هقولك عشان جسمك بيحصله "تعود" Adaptation" 
وبيقدر يتحمل الشدة ال هتعود جسمك عليها
والوجع دا بيروح بعد ما بيحصل الاستشفاء العضلي او ال 
Recovery 
ومدة الاستشفاء بتاخد من 2 ل 3 ايام ف الطبيعي 
وممكن توصل ل 4 عند بعض الاشخاص

بسبب انك بتعمل مجهود زيادة وبطريقة جديدة ومختلفة عن ال عضلاتك وجسمك متعود عليه .

والموضوع بيتقسم جزئين:

لو 1) انت بتزود اوزانك ع طول

او2) بتزود عدد تمارينك ووقتها

او3) بتغير التكنيك او بتلعب تكنيك جديد

بمعني انه هيحصل لما تعمل حاجة جسمك مش متعود عليها او نفس التمرين بس بشدة اكتر .

معني الكلام دا ان :

1) مش معني ان لما تحس بالوجع انك بتتمرن صح .

او 2) مش معناه انك لما تتمرن ومتحسش بيه انك كدا مش صح وتمرينك غلط .

لا هو عملية فيسولوجية غير ذاتيه ملكش تدخل فيها

بعض ‫#‏النصايح‬ ال تساعدك ف التحكم :

- تاخد دوش ساقع بعد التمرين مباشرة سواء ف الجيم او النادي او اول لما تروح بيتك وده بيساعد كمان ع تقليل والتحكم ف الاصابات والكدمات .

- تاخد دوش سخن تاني يوم او يومها بليل لو بتتمرن بدري .

- تنام بكم كافي من 6 ل 9 ساعات ويكون متواصل ويفضل ف فترة المساء .

- تناول الموز بعد التمرين خصوصا او اثناء اليوم عموما .