ليه جسمك ممكن ما يكبرش وعضلاتك ما تتطورش؟
ليه جسمك ممكن ما يكبرش وعضلاتك ما تتطورش؟
الأول لازم تفهم إن “ثبات حجم العضلة” رغم التمرين والالتزام المستمر بيكون له أسباب كتير.. ومش عيب فيك، لكن في الغالب عيب في طريقة شغلك أو فهمك لجسمك.
الأسباب 
جيناتك الوراثية: كل واحد فينا مختلف، في ناس عندها ألياف سريعة، ناس عندها ألياف بطيئة.. وده بيأثر على استجابتك للتمرين. لو مدربك مش فاهم النقطة دي أو مش عنده خبرة علمية كافية، طبيعي هتثبت.
التمرين الغلط: • تكرارات مش مناسبة لجسمك.
• وقت تمرين طويل جدًا أو قصير جدًا.
• راحة مش محسوبة صح.
• تدريب عشوائي بدون خطة واضحة.
التركيز على عضلات معينة وإهمال عضلات تانية. الجسم وحدة واحدة.. لو أهملت جزء هتفضل دايمًا حاسس إنك مش متوازن.
إهمال التمارين المركبة زي السكوات، الديدليفت، البنش برس. التمارين دي بتبني القوة وبتخلي جسمك يفرز هرمونات طبيعية للنمو زي التستستيرون.
النظام الغذائي الضعيف: من غير بروتين كافي + كارب كفاية + دهون صحية = مفيش بناء عضلي. وكمان نسيان المياه والمعادن (إلكترولايتس) بيبوظ الأداء.
تشتيت الانتباه: موبايل، كلام مع أصحابك، أو تنفس غلط أثناء التمرين.. كل ده يقلل فعالية التمرين جدًا.الحلول
• اختار مدرب فاهم وعنده خبرة علمية وعملية.
• امشي بخطة تدريبية موزونة مش عشوائية.
• اهتم بالتغذية زي اهتمامك بالتمرين بالظبط.
• راقب نومك وراحتك النفسية.. لأن الضغط العصبي بيأثر على النمو العضلي.
• اشرب مياه كفاية وسيب الموبايل بره التمرين 
.
.
الكلمة الأخيرة مني ليك:
أنا بكتبلك الكلام ده مش عشان أخوفك، بالعكس.. عشان ما تضيعش وقتك وتبطل تحس إنك “مقفول”. جسمك هيستجيب لما تديله اللي محتاجه بالظبط. صدقني لو مشيت صح هتشوف نتائج تخليك تحب نفسك أكتر كل يوم. �
تعليقات
إرسال تعليق