ضهرك بيوجعك كل ما تقوم أو تقعد؟ حاسس إن في “قفشة” في القطنية أو نغزة مش راضية تسيبك؟
ضهرك بيوجعك كل ما تقوم أو تقعد؟
حاسس إن في “قفشة” في القطنية أو نغزة مش راضية تسيبك؟
بص… قبل ما تفكر في مسكن أو كريم سخن…
الموضوع غالبًا مش محتاج دوا…
الموضوع محتاج تفريغ ضغط ومساحة لفقرات ضهرك.
القعدة الطويلة بتعمل حاجتين خطر جدًا:
بتضغط الفقرات على بعضها وبتقصّر عضلات الحوض… فتشد ضهرك معاها غصب عنهعلشان كده… جرب روتين Back Reset ده
3 إطالات بس… وهتحس كأن حد شال حمل من على ضهرك 
1- Couch Stretch (إطالة عضلات الفخذ الأمامية)
عضلات الـ Hip Flexors اللي قدام الفخذ…
دي أكتر عضلة بتتقفل بسبب القعدة،
ولما بتقصر بتشد ضهرك لتحت وتعمل الألم ده.
الطريقة:اسند ركبتك على الكنبة
والرجل التانية قدامك زي وضع السجود
ارفع صدرك لفوق وحاول تفرد ضهرك
أهم نقطة:شد عضلة المؤخرة في الرجل اللي ورا…
هتحس بإطالة قوية قدام الفخذ… وده معناه إن الضغط بدأ يفك عن ضهرك.
2- Figure-4 Stretch (راحة عرق النسا الكاذب)
أوقات الألم مش من العمود الفقري أصلاً…
ده بيبقى من عضلة صغيرة في المؤخرة اسمها Piriformis
لما بتشد بتضغط على الأعصاب وتوجعك في الضهر والرجل.
الطريقة:نام على ضهرك
حط كاحل رجلك اليمين فوق ركبة الشمال (شكل رقم 4)
اسحب فخذ الرجل الشمال ناحية صدرك
مع كل زفير… قربها سنة بس…هتحس بالراحة تدريجيًا.
3- Child’s Pose with Reach (فك الضغط عن الفقرات)
الإطالة دي مفعولها سحري لفك الضهر واللاتس (المجنص)
الطريقة:اقعد على كعب رجليك
افتح الركب شوية
مد إيدك قدامك لأقصى مدى
حط جبهتك على الأرض
السر هنا:امشي بصوابعك لقدام أكتر وأنت مثبت الحوض ورا
هتحس فقراتك بتتنفس حرفيًا.
الخلاصة
جسمك مش معمول يفضل متني 8 ساعات ورا مكتب.
الألم ده رسالة واضحة بتقولك:
"افردني… وفك الضغط عني"
5 دقايق يوميًا من الروتين ده قبل النوم
ممكن يغيروا جودة حياتك بالكامل
دمتم بصحة
تعليقات
إرسال تعليق