كيف أعود لـ ممارسة الرياضة بعد انقطاع طويل ؟

لكل مبتدئ في الرياضة 💪🏼: لو لسه داخل المجال وعاوز تبدأ صح، دي شوية نصايح هتفرق معاك جدًا

 

 

لكل مبتدئ في الرياضة :

لو لسه داخل المجال وعاوز تبدأ صح، دي شوية نصايح هتفرق معاك جدًا:

العضلة لازم ترتاح عشان تكبر:

التمرين الكتير بدون راحة = العضلة مش هتنمو، بل بالعكس هتتعب نفسك على الفاضي.

التنوع مطلوب:

لو بتلعب نفس التمارين كل مرة، العضلة هتتعود ومش هتكبر. غير في الروتين كل فترة.

التدرج في الأوزان:

لو ما زودتش الأوزان بشكل تدريجي، مش هتحقق الضخامة اللي عاوزها.

البيت هو اللي بيبني العضلات:

التمرين في الجيم بيدمر أنسجة العضلات، لكن الأكل والراحة في البيت هما اللي بيعيدوا البناء.

خلي بالك: التضخيم اللي بتشوفه وقت التمرين مجرد ضخ دم مش أكتر.

المكملات الغذائية:

اللي بيستخدم المكملات ويتبع نظام غذائي مظبوط، تطوره أسرع من غيره، بس خلي بالك المكملات مش بديل عن الأكل الصحي.

تصنيف الأوزان:

• وزن تسخين: الوزن اللي تقدر ترفعه 20 مرة بسهولة.

• وزن متوسط (كتلة عضلية): الوزن اللي تقدر ترفعه من 12 لـ15 مرة بصعوبة.

• وزن تقيل (زيادة قوة): الوزن اللي مش هتقدر ترفعه أكتر من 4 أو 5 مرات.

فكر قبل ما تتمرن… الذكاء في التمرين أهم من كترته.