ده امثله للأسئلة إللي اغلب المتابعين السيدات بيسألوها والاساسيات علشان محدش يحكي فيها تاني ويكون فاهم كويس
ده امثله للأسئلة إللي اغلب المتابعين السيدات بيسألوها والاساسيات علشان محدش يحكي فيها تاني ويكون فاهم كويس 
----------------------
مفيش حاجه إسمها إنك تتمرن اسكوات بس اصلا
الجزء السفلي ده عباره عن ( مؤخره / اماميات رجل / خلفيات رجل / ضامه / سمانه او مايقال عنها بطاط ال calves ) وعشان تظبط الجزء السفلي لازم تتمرن مش اقل من 6 إلي 8 اشكال تمرين عليه بغض للنظر لو انت عامل برنامج شامل الجسم كله وقتها هتتمرن شكلين تلاته فقط
اما بقا التمارين ده بتنحف ولا بتتخن مفيش اصلا السؤال ده اصلا غلط المسؤول عن زيادتك او خسارتك ف الوزن هو الأكل ( النظام الغذائء ) كلت اكتر من احتياجك هتزيد كلت اقل هتخس دهون 
-----------------------------
عايزه طريقه اخسس بيها البطن 
عايزه طريقه اخسس بيها الارداف
عايزه طريقه اخسس بيها الكتف والصدر
اجابه الأسئله ده كلها ف نقطتين
1/ الدهون بتنزل من الجسم كله اصلا مش منطقه ب عينها بتنزل منين قبل فين ده حسب استجابة الجسم وممكن حسب تمرينك وتركيزك فيه علي مناطق معينه وخصوصا لو كانت الجزء السفلي لو شديتي عليه مثلا ف الكارديو وتمارين الحديد
2/ اقدر اركز ع جزء معين اه ف التمرين ماشي يعني مثلا كارديو اخلي اشكال اكتر من اشكال الكارديو للجزء السفلي لو هدفي السفلي اكتر يعني وامرن السفلي مرتين ف الأسبوع مثلا كده
-------------------------
انا بعمل تمارين بس مش ماشيه علي نظام غذائي ينفع يا كابتن ؟
أكيد لا طبعا لازم تمشي ع اكل صحي عشان اصلا خسارتك للدهون متوقفه رقم واحد ع اكلك ثم التمارين
هو ينفع تروح تاكل اكل اكتر من احتياجاتك وحلويات او اكل جاهز وعايز التمرين بعد كده يجيب نتيجه مش هيحصل طبعا
-------------------------
انا عندي غضروف يا كابتن
انا عندي خشونه ف الركبه ؟
انا كنت عامل عمليه او عامل حادثه وخفيت اتمرن ايه ؟
حضرتك استشير الدكتور أو اخصائى علاج الطبيعي انا بدوري ك كابتن اقدر اخد الخطوه اللي بعدها عادي معاك
----------------------
انا حامل وعايزه اعمل دايت ورياضه
اما رياضه وانتي حامل عادي تقدري تمشي كتير طبعا وتعملي يوجا
-----------------------------
إزاي اشد ترهلات الصدر ؟
إزاي اشد ترهلات الظهر ؟
عندي ترهلات ف الفخد اعمل ايه ؟
امتي الجسم يشد بتمارين الوزن بعد قد ايه يعني ؟
هتتمرني باوزان طبعا ع العضله اللي عايزه تشديها
مفيش حاجه إسمها بعد قد ايه يشد ده جسم وله استجابات اتمرني ومتفكريش فالوقت اصلا
ولعلمك لو الترهل شديد احب ابلغك بخبر سعيد هيحتاج عمليه عشان تبقو تدورو ع وصفات تخسيش سريع وتمشو غلط
-----------------------------
ارفع وزن كام يا كابتن واعمل عدد قد إيه ومجموعات قد إيه ؟
يعني ايه ارفع وزن قد إيه ينفع اجي ااكلك ف بوقك بالمره 
بهزر طبعا
بهزر طبعامعروفه يعني ترفع الوزن اللي إنت قادر ترفعه وكويس معاك لا سهل ولا صعب وطبعا ده انا مش هحسها مكانك مش انا اللي رافع الوزن
تعد كام ده ليها طرق علميه
يعني لو وزن مؤثر اللي هو فوق متوسط وحاسه ف ايدك مش هين يبقي من 8 ل 12 عدد وده بنسميها hypertrophy
لو وزن ثقيل يبقي من 4 ل 6 عدد وده بنسميها strength
لو وزن خفيف يبقي من 15 ل 30 عدد وده بنسميها endurance
تعليقات
إرسال تعليق