نصايح للمبتدئين في كمال الأجسام،خلاصة سنين من التجربة علشان ما تتوهش وسط الكلام الكتير.
نصايح للمبتدئين في كمال الأجسام،خلاصة سنين من التجربة علشان ما تتوهش وسط الكلام الكتير.
ركز كويس وخلي دي المرجع بتاعك في البداية.
2.خد من 1.6 لـ 2 جرام بروتين لكل كيلو من وزنك. مش لازم فرختين في اليوم، بس لازم تظبط أكلك.
3.خليك دايمًا مع حد يشجعك في التمرين. الصحبة بتفرق.
4.الأداء الصحيح أهم من الوزن التقيل. العب بذكاء مش بغشومية.
5.متطنش تمرين الرجلين. ده أساس جسمك وهتتحاسب عليه في التيك توك قبل الجيم.
6.التغذية أهم من التمرين أحيانًا. سواء بتضخم أو بتخس، الأكل هو اللي بيظبط المعادلة.
7.بلاش تفكر في الهرمونات، خصوصًا وانت لسه بادئ. ضررها أكتر بكتير من نفعها.
8.اشرب مياه طول الوقت. الجفاف سبب رئيسي للإصابات وضعف الأداء.
9.يوم الراحة مش كسل، ده وقت جسمك بيبني فيه العضلات.
10.غير نظام تمرينك كل فترة علشان تكسر الروتين وتفضل متحمس.
11.اعمل جدول تمرين مكتوب. العب بهدف مش حسب مزاجك.
12.التسخين قبل الحديد ضروري جدًا. الإصابة في ثانية، فخلي بالك.
13.اعتمد أكتر على الأوزان الحرة. الأجهزة كويسة بس مش هتديك القوة الحقيقية.
14.النتايج محتاجة صبر. متستعجلش. مفيش بيج رامي في شهرين.
15.المكملات مش سحرية، هي بس وسيلة مساعدة لو أكلك مش مكفيك.
16.جرب أساليب زي الدروب سيت والسوبرسيت. هترهقك بس مفيدة.
17.الدهون الصحية زي صفار البيض، المكسرات، وزيت الزيتون مهمة جدًا لحرق الدهون.
18.مرن العضلات الضعيفة في أول التمرين علشان تكون في أقوى حالتها.
19.اعمل تمارين إطالة قبل وبعد التمرين. جسمك هيتشكرك بعدين.
20.راقب تقدمك بالصور. التطور البصري هو أكبر دافع.
21.جسمك مش زي غيرك. اللي نفع مع صاحبك مش شرط ينفعك. افهم نفسك.
22.النوم جزء من التمرين. نام 7 ساعات على الأقل. وسيب الموبايل شوية.
23.الكارديو مهم. (جري - مشي - عجلة) هيفرق في لياقتك وكمان في بناء العضلات.
24.كل وجبة قبل التمرين بساعتين فيها بروتين وكارب، زي: بطاطساية مسلوقة وصدر فرخة.
25.متاخدش أي مكمل أو حبوب من غير ما تتأكد من مصدرها. اسأل وابدأ الصح.
26.تمرن كل عضلة مرتين في الأسبوع. دا الأفضل لزيادة الحجم العضلي.
27.اسأل، إقرا، اتعلم. اللعبة دي بقت علم مش فهلوة.
28.لما تشيل أوزان تقيلة، لازم يبقى معاك حد يأمنك. حتى الأبطال بيتصابوا.
29.المالتي فيتامين والكرياتين من أكتر المكملات المفيدة للمبتدئين.
30.ركز في الجزء السلبي من التكرار. النزول بالراحة بيبني عضلة أكتر من الطلوع.
31.احسب سعراتك. جسمك محتاج نظام، مش أكل عشوائي.
32.اتعلم تلعب سكوات وديدليفت صح. هما سلاح ذو حدين: يبنوا عضلات أو يسببوا إصابة.
33.متصرفش فلوسك على المكملات الكتير. البيض والفراخ والرز أهم.
34.لو مضطر تستخدم واي بروتين، في شكاير بروتين الحليب بديل ممتاز وأرخص.
35.اطبخ أكلك بدون زيت وسمن وسكر. أقنع والدتك أو اتصرف!
36.بلاش هرمونات. تاني وتالت ورابع، احذر منها. صحتك أهم.
تعليقات
إرسال تعليق