كيف أعود لـ ممارسة الرياضة بعد انقطاع طويل ؟

 في "فاتورة" جسمك بيدفعها كل يوم وأنت مش حاسس.. وهي "فاتورة قعدة المكتب". أكتر منطقة بتشيل الهم ده هي أسفل الظهر (Lower Back).

 

 

في "فاتورة" جسمك بيدفعها كل يوم وأنت مش حاسس.. وهي "فاتورة قعدة المكتب". أكتر منطقة بتشيل الهم ده هي أسفل الظهر (Lower Back).

 

 أنا كمدرب، بيجيلي ناس بتشتكي إن ظهرها "قافش" أو حاسس بتقل أسفل الظهر، مش بسبب تمرين غلط، ولكن بسبب إنه قاعد 8 ساعات عضلات ظهره مشدودة عشان تسنده، وفي الآخر بتتحول لكتلة ناشفة من غير دم ولا مرونة.

التمرين اللي في الصورة ده "Seated Forward Fold" أو إطالة أسفل الظهر من الجلوس، هو ده "زرار الطوارئ" اللي لازم تدوس عليه وأنت في مكتبك:

✔︎ فك "تخشيبة" القطنية: الحركة دي بتعمل إطالة مباشرة وعميقة لعضلات الظهر السفلية (Erector Spinae)، وبتسمح للدم إنه يرجع يتدفق فيها تاني بعد ما كانت مخنوقة من الضغط. ✔︎ فصل الفقرات عن بعضها: لما بتنزل بجسمك بين رجلك وتسيب راسك تقيلة، الجاذبية بتشد عمودك الفقري لتحت، فبتعمل (Decompression) وتريح الديسكات من ضغط وزن جسمك اللي شايلينه طول اليوم. ✔︎ تهدئة الجهاز العصبي: الوضع ده شبيه بوضع "السجود" أو "الطفل" في اليوجا، فبيبعت إشارة لمخك إنه يهدى ويقلل التوتر.

طيب تعمله إزاي صح؟ (عشان ماتاخدش تأثير عكسي)

اقعد على طرف الكرسي وافتح رجلك وسع كتافك.

خد نفس عميييق.. وأنت بتخرجه انزل ببطء بجسمك بين ركبك.

سيب راسك ورقبتك مدللين تماماً (مترفعش رقبتك تبص قدامك).

امسك كعوب رجلك واسحب نفسك سنة بسيطة لزيادة الإطالة (بدون عنف).

تنويــه هــام: لو عندك "انزلاق غضروفي" (Disc Bulge) مشخص، استشير دكتورك قبل الحركة دي لأن الانحناء للأمام ممكن ميكونش مناسب ليك.

الهدف الأسمى.. إننا منسبش جسمنا "يصدّي" واحنا قاعدين نشتغل وننتج. الشغل مهم، بس صحة عمودك الفقري هي اللي هتشيلك لما تتقاعد. دي "الصحة الوظيفية" اللي بجد.

جربها دلوقتي وأنت قاعد تقرأ البوست وقولي حسيت بظهرك "فك" ولا لسه؟ دعوة حلوة منكم بظهر الغيب،