كيف أعود لـ ممارسة الرياضة بعد انقطاع طويل ؟

 

الكرسي هو "العدو الصامت" اللي بيخلي عضلات الحوض عندك (Hip Flexors) تقصر وتنشف، وبيقفل مفاصلك زي "الصدأ".

 

 

 

 

جسمك مش مصمم عشان يقعد ٨ في الشغل وبعدها في العربية.

الكرسي هو "العدو الصامت" اللي بيخلي عضلات الحوض عندك (Hip Flexors) تقصر وتنشف، وبيقفل مفاصلك زي "الصدأ".

أنا كمدرب،

دايماً بقول للمتدربين عندي قاعدة ذهبية: "القوة من غير مرونة = إصابة مؤجلة".

متفرحش إنك بتشيل أوزان تقيلة في الجيم،

وأنت لو جيت تعمل خطوة واسعة (Lunge) أو تنزل تجيب حاجة من الأرض، تحس بـ "قفشة" في فخدك من جوه أو نغزة في أسفل ظهر

ك. دي مش صحة وظيفية، ده اسمه "جسم مخشب".

التمرين اللي في الصورة ده "Lizard Pose" أو وضع السحلية، هو حرفياً "هيزود من مرونه عضلات الهيب" لمنطقة الحوض عندك:

✔︎ هيقلل لآلام الظهر الخفية: كتير من ألم أسفل الظهر سببه مش الظهر نفسه! سببه إن عضلة "الحوض القابضة" (Hip Flexors) قصرت من كتر القعدة فبقت تشد فقرات ظهرك لقدام. التمرين ده بيعملها (Stretch) وبيريح ظهرك فوراً.

✔︎ فك العضلات الضامة (Adductors): لو بتحس إن رجلك "مقفولة" ومش عارف تفتح حوضك في تمارين الرجل، الوضع ده بيستهدف العضلات الداخلية بعمق وبيرجعلك المدى الحركي الطبيعي.

✔︎ تحسين ميكانيكا المشي والجري: عشان رجلك تتحرك لورا وقدام بحرية من غير ما تحمل على الركبة، محتاج حوض مرن. التمرين ده هو "الزيت" اللي بيسلك الترس ده.

✔︎ تفريغ الضغط العصبي: علمياً، منطقة الحوض هي مخزن للتوتر (Stress). لما بتعمل إطالة عميقة هنا، أنت مش بس بتفك عضلات، أنت بتفك ضغط عصبي متراكم.

طيب إزاي تدخله في يومك؟

بعد يوم شغل طويل: أول ما تدخل البيت، بدل ما ترمي نفسك على الكنبة، انزل في الوضع ده 30 ثانية لكل رجل. هتحس إن الدم جري في نص جسمك التحتاني.

قبل تمرين الرجل: ده "إحماء ديناميكي" عبقري قبل السكوات والرفعة الميتة، هيخليك تنزل لمدى حركي أعمق وأنت مرتاح.

و.. الهدف الأسمى إنك لما توصل سن الـ 70، تكون لسه قادر تمشي وتخدم نفسك وتصلي وأنت واقف من غير ما تحتاج حد يسندك. دي "الصحة الوظيفية" بجد، وبنحافظ على الأمانة اللي ربنا ادهالنا وبس

دعوة حلوة منكم بظهر الغيب بقا ،