الأرجنين والضخامة اللحظية ؟
« الأرجنين والضخامة اللحظية ؟ 
يعني إيه أرجنين أصلاً؟
الأرجنين (L-Arginine) هو حمض أميني شبه أساسي، يعني الجسم ممكن يصنّعه، بس في بعض الظروف (زي التمارين الشديدة أو الإجهاد) بيحتاجه من مصادر خارجية.
إيه اللي بيخليه مشهور في عالم الجيم؟لأنه بيتحوّل في الجسم لغاز اسمه أكسيد النيتريك (NO)…
والغاز ده بيعمل حاجة مهمة جدًا جدا يا اخى:
بيوسّع الأوعية الدموية يعني:
ضخ دم أعلى. تغذية أفضل للعضلة. شعور "الـ Pump" الفوري اللي بتحس بيه بعد التمرين. 
المكملات بتستخدمه ليه؟• عشان تحس بتورّم فوري في العضلة أثناء التمرين.
• لأنه بيدي شعور إنك بقيت ضخم فجأة.
• لأنه بيرفع مستوى التركيز العضلي والضخ الدموي.
بس هل ده تضخيم حقيقي؟
لا…اللي بيحصل هو توسيع مؤقت في الشعيرات الدموية، مش نمو عضلي دائم.
يعني هو إحساس لحظي… بس مش معناه إنك كبرت فعلًا.
طيب هل له أي فايدة حقيقية؟ 
أيوه، لو استخدمته صح:
بيزود ضخ الدم للعضلة = تغذية أحسن ممكن يساعد في التعافي بعد التمرين ممكن يحسّن الأداء الجنسي (بشكل عام)، للمتزوجين طبعا 
. بيزود الإحساس بالتدفق العضلي أثناء التمرين وده بيزود الحماس والانتباه. 
إمتى يكون ملوش لازمة؟• لو بتاكل كويس، جسمك غالبًا بياخد كفايته.
• لو بتدور على تضخيم دائم… مش هو ده الحل.
• في بعض الحالات مش هيفرق في الأداء خالص.
• لو خدت جرعة قليلة جدًا، مش هتحس بأي حاجة.
خلاصة الحلقة:
الأرجنين مش "خدعة"، بس كمان مش "سحر".هو أداة…
لو استخدمتها صح، هتحس بفايدة فورية
بس ما تعتمدش عليه لوحده لبناء عضلة أو قوة.
خده عشان تحفّز الضخ والتدفق،لكن ابني جسمك على التمرين، الأكل، والنوم…
مش الكبسولات يا كابتن .
لو بتفكر تاخده:الجرعة المناسبة: 3 – 6 جرام قبل التمرين بـ 30 دقيقة
اختار نوع نقي ومضمون
لو عندك مشاكل ضغط أو قلب – استشير طبيب أفضل .
. بدوام التوفيق والنجاح للجميع
.
تعليقات
إرسال تعليق