أول مرة تاخد مكمل؟ طيب اعرف الصح من الغلط
« أول مرة تاخد مكمل؟
طيب اعرف الصح من الغلط » 
البروتين مش سحر… خد بالك من الفيتامينات كمان!
أول ما تبدأ تتمرن، هتسمع كلمة "مكملات" كتير جدًا، وهي غالبًا أول حاجة هتخبطك في وشك…
واحد هيقولك: "خد واي بروتين هيكبرك بسرعة"، والتاني: "الفيتامينات أهم"، والتالت: "دي كلها كيميا!"
طب إنت تعمل إيه؟
تبدأ؟
ولا تستنى؟
وإزاي تختار الصح من وسط زحمة السوق؟ 
طيب خلينا نفهم الأول: إيه هي المكملات؟المكمل الغذائي = تعويض نقص
مش سحر، مش دواء، مش بديل للأكل.
المكمل موجود علشان يكمل، مش يبدأ.
أشهر مكملات المبتدئين:1. البروتين (واي بروتين):
دوره؟ يساعدك توصل احتياجك من البروتين اليومي (لو الأكل وحده مش مكفيك).
مناسب لو؟ مش قادر توصل لـ 1.6 – 2 جرام بروتين لكل كجم من وزنك عن طريق الأكل.
خد بالك: لو أكلك مظبوط، البروتين ممكن يكون إهدار فلوس.2. الفيتامينات المتعددة (Multivitamins):
بتساعد جسمك يشتغل بكفاءة.
مهمة خصوصًا لو نظامك الغذائي ناقص خضار وفاكهة.
3. الكرياتين (Creatine Monohydrate):
من أكتر المكملات أمانًا وفعالية.
بيزود الطاقة في التمارين ويعزز النمو العضلي مع الوقت.
شوية خرافات بقا لازم تبعد عنها:المكملات بتبني عضل لوحدها؟ غلط
مكملات = منشطات؟ غلط
لو ما خدتش بروتين مش هتكبر؟ غلط جدًا
طيب يا كابتن محمد إمتى ابدأ مكملات؟ لما تكون:بدأت تتمرن بشكل منتظم (مش لسه يوم ويوم).
أكلك فيه نقص واضح (خاصة في البروتين أو الفيتامينات).
ميزانيتك تسمح ومش هتضحي بالأكل علشان تشترى مكمل 
.
. ما تبدأش لو:
لسه مش عارف تأكل صح.
ما عندكش انتظام في التمرين.
بتدور على طريق مختصر أو نتائج سريعة.
خلاصة الحلقة:
ابدأ بالمهم – الأكل والنوم والتمرين.
المكملات بتجي بعد كده، علشان تكمل الصورة، مش تبنيها من الصفر.
قولنا في التعليقات:
إيه أول مكمل فكرت تشتريه؟ وكنت فاهم عنه إيه؟
تابعنا علشان الحلقة الجاية هتكون مفاجأة قوية! 
بدوام التوفيق والنجاح للجميع 
. تابعنا للمزيد من الأسرار والنصائح والأنظمة التدريبية والمعلومات الصحيحة .
تعليقات
إرسال تعليق